Sinopse da xornada de Nordés cos coles

O pasado 9 de xuño, festexamos o Día Mundial do Medio Ambiente cos colexios de Mañón e O Vicedo no Refuxio de Ponte Segade. Comezamos a xornada cunha pequena explicación para as nenas, nenos, profesoras e  profesores sobre Nordés e a división en estacións das actividades que realizarían ao longo da mañá.

DSCN3865

Na primeira estación realizouse parte do traballo de inspección do Proxecto Ríos. Ramsés, persoal de ADEGA, adaptouse á idade dos grupos para explicarlles en que consiste este programa de avaliación dos ríos galegos e o xeito para realizalo.

IMG-20170609-WA0057

Por un lado, fíxose o análise do río a través das súas augas, guiados polos códigos de cores que marca o seu estado; e por outro lado, o análise dos bioindicadores que se atopaban no cauce do río, guiados polas láminas que amosaban os diferentes macroinvertebrados que se poden presentar nas augas según o seu estado.

IMG-20170609-WA0065

Os resultados destas análises amosaron que o río Sor está en moi boas condicións.

DSCN3862

Na segunda estación realizouse a avaliación da calidade do monte de ribeira do río, necesario para o informe do Proxecto Ríos. E… Por que? Un río saudábel debe contar cunha masa uniforme de especies de prantas e árbores autóctonos que manteñan as axeitadas condicións para as especies propias do entorno.

DSCN3925

Ao tempo os escolares percorreron xunto Antonio Martínez, de Nordés, un pequeno tramo de ribeira. Foron identificando as diversas especies arbóreas da beira do río (ameneiros, aveleiras, carballos, freixos ou pradairos), especies de prantas (pé de boi, estalotes) e varias especies de felgos (felgo real -que tanto abonda polo So-, fentas).

DSCN3905

Pero non todo foron boas noticias! Os colexiais coñeceron a problemática das especies invasoras. No río Sor o exemplo que mellor a representa é unha das especies más abafantes para a flora autóctona: a acacia negra, que cobre grandes treitos do tramo medio e baixo do río.

DSCN3926

Para rematar, fixeron un pequeno herbario coas especies que foron atopando polo camiño. Un traballo que completarían nas aulas nos seguintes días e que lles servirá para recordar as especies vistas.

DSCN3901

Na terceira estación, Dani e Carle guiaron na elaboración de casas para distintas especies.

IMG-20170613-WA0130

Ao comezo, amosaron  as casiñas para ourizos. Logo, cada grupo axudou a facer unha casa para morcegos, que personalizaron coas súas firmas e debuxos. Máis tarde, puideron ver a colocación nas árbores do entorno para ser habitadas nun futuro.

IMG-20170613-WA0084Na mesma estación, as nenas e nenos colaboraron na elaboración dun hotel para insectos colocando carozas, pallas, cortezas e canas na estructura que os monitores construíron e así conseguir que se aloxen nun futuro distintas especies.

 

 

IMG-20170613-WA0020

O grupo formado cos párvulos  dos colexios fixo un percorrido polas 3 estacións (adaptadas) e acabou pintando os debuxos que formaban unha canción que todos coñecían: “Polo nó abaixo vai unha troita de pé. Corre que te corre, quen a puidera coller…”

IMG-20170609-WA0008

As nenas e nenos dos dous colexios pasaron unha xornada diferente, divertida e moi participativa: non quedou dúbida sen resolver! E con ela, Nordés non pretendía máis que achegar o cuidado do río e do seu entorno a través da aprendizaxe.

DSCN3953

Queremos agradecer a colaboración do CEIP López Estrada e do CEIP O Vicedo, tantos ás nenas e nenos como ás súas profesoras e profesores. Tamén agradecemos a colaboración de ADEGA a través de Ramsés, por achegar o Proxecto Ríos a tódalas idades; e de Dani e Carla, por ensinar a coidar dos morcegos e dos insectos. Agradecemos a colaboración do Concello de Mañón e de Protección Civil. E… Non nos esquecemos de agradecerlle a coordinación desta actividade a Antonio Martínez Pernas! E por último, grazas aos voluntarios de Nordés por acompañar aos grupos de nenas e nenos nas diferentes estacións e realizar este vídeo.

Entre todos fixemos posíbel unha xornada que agardamos repetir moitos anos máis! Ata o ano!

 

 

 

 

 

Advertisements

Proxecto Ríos cos colexios no río Sor

proxecto ríos 2017 2

Onte, 5 de maio, foi o Día Mundial do Medio Ambiente e Nordés para conmemorar este día decidiu realizar os análises de primavera do Proxecto Ríos acompañado polos colexios do Barqueiro e do Vicedo. Esta xornada súmase ás anteriores actividades de convivencia realizadas no 2016 e 2015 para festexar o Día dos Océanos, na praia de Esteiro (Mañón) e en Xilloi ( O Vicedo).

A xornada foi deseñada pola xente de Nordés (entre eles Antonio Martínez Pernas, Técnico superior en xestión e organización dos recursos naturais)  e pensada para realizar no Refuxio de Ponte Segade (Mañón). Alí, dividiranse ás nenas e nenos en 3 actividades simultáneas polas que irán pasando de cada pouco. Na primeira e segunda estación atoparán actividades relacionadas co Proxecto Ríos:

  • Análise do río a través das augas e  catalogación dos macroinvertebrados (bioindicadores) presentes nelas, guiados en todo momento por persoal de ADEGA, e

  • Paseo pola beira do río Sor, para visualizar a rica fauna e flora da zona, avaliar o monte da ribeira para o informe do Proxecto Ríos e recoller flora para a realización dun pequeno herbario.

  • Na terceira estación realizarán refuxios para morcegos e hoteis de insectos, acompañados por expertos, para fomentar a biodiversidade do entorno do río.

     

    SUBIR 3

    Ambos colexios durante o “Día dos Océanos” (2016) no areal de Esteiro (Mañón)

Fai unha semana ADEGA ofrecéunos traer para a Casa da Cultura do Vicedo a exposición “Unha invasión silenciosa”  adicada ao problemas das especies invasoras en Galicia. Se aínda non pasáchedes por alí, aínda tedes ata o venres 9 de xuño para visitala, en horario de mañá e tarde. Non dubidedes!

18815453_809087095916791_198976307489547765_o

Exposición na sala da Casa da Cultura do Vicedo – piso 0.

Se eres socia/socio de Nordés e queres participar como voluntaria/o, ponte en contacto con nós!

 

 

IV Inspección do río Sor e ruta de sendeirismo

PROXECTO RÍOS IV

Proxecto Ríos é unha iniciativa de ADEGA que promove a “participación voluntaria no control da calidade dos ríos galegos a través de inspeccións anuais”.

Esta é a definición do Proxecto Ríos, unha iniciativa que foi trasladada dende Cataluña pola Asociación para a Defensa Ecolóxica de Galiza no 2004. No 2015, 322 agrupacións participaron no proxecto, sendo maiores os niveis de participación e inspeccións na provincia de Pontevedra (correspondente coa bacía das Rías Baixas).

Nordés comprometeuse dende o seu nacemento co Proxecto Ríos e co río Sor, por tanto; aínda que non puido realizar tódalas análises pertinentes cada ano (unha en primaveira e outra en outono). Por iso, neste mes de marzo de 2016 da a oportunidade non só de formar parte deste proxecto (que mesmo ten unha importancia peninsular) coa IV inspección do río Sor senón tamén de disfrutar da paisaxe da veiga do río Sor.

Que análises se realizan? O fin é o de mostrar a calidade hidromorfolóxica, fisicoquímica e biolóxica do río Sor en diferentes tramos. Cada parámetro analiza un aspecto concreto do río ou da súa contorna: o hábitat, o bosque, a ribeira e determinadas alteracións coma a cor da auga ou o seu cheiro marcan a calidade hidromorfolóxica; por outro lado, a calidade fisicoquímica establécese mediante a medición da temperatura do río, o pH,  os nitratos e o osíxeno disolto;e, por último, a presenza ou non dunha serie de macroinvertebrados, reptiles, árbores e vexetación, marcan a calidade biolóxica.

A inspeccion é unha actividade interactiva que une aos participantes co río, co seu coidado e co hábitat que o rodea, podendo ser plantexado coma un xogo para os máis pequenos da casa. Estará guiada por Antonio Martínez, técnico superior en xestión e organización dos recursos naturais.

10259021_311278789030960_3346267945356486862_o

A ruta de sendeirismo plantéxase dende parte da asociación como unha actividade complementaria que consiga atraer xente ás inspeccións e que as convirta en fieis participantes para asentar o Proxecto Ríos máis alá de Nordés. De tódolos xeitos, que mellor para protexer o río e a súa contorna que cunha ruta de sendeirismo? Ademáis guiada por xente especializada, Jaime Casás, de Actividades Estaca.

Por todo isto, a proposta para o sábado 19 de marzo é a seguinte:

1269445_575962622562574_7932733587612880865_o

  • Punto de quedada para aquela xente que non saiba chegar á Ponte das Ribeiras do Sor, no bar A Goleta, no Barqueiro (Mañón), ás 09:00 horas.

  • 09:30 horas, inicio da ruta (dificultade media) na Ponte das Ribeiras e remate 8 quilómetros despois no refuxio Ponte de Ulló, cara as 12:30 horas.

  • Primeira parte da inspección no tramo do refuxio de Ponte Ulló, remate cara as 14:30 da tarde.

  • De xeito opcional, ofrécese a posibilidade de quedar a xantar no refuxio de Ponte Segade, cada un coa súa comida, para asistir á segunda parte da inspección do río Sor neste punto.

NOTA: Deixaranse os automóviles na Ponte das Ribeiras e logo dende o refuxio de Ponte Ulló haberá algún para aquela xente que se queira volver.

AGARDÁMOSVOS!

Toda a información  deste pequeno artigo está sacada da páxina http://www.proxectorios.org/ e do “Resumo do informe do 2015” de ADEGA, dispoñíbel nesta ligazón:   aquí.

Mes do medio ambiente co Proxecto ríos o día 23 de maio

Cartel para imprimir en EME

 

Este sábado 23 Mañón convírtese no centro da bisbarra en materia de Natureza coas actividades que organizan as asociacións “O Son do Sor” e “Nordés”.

Deste xeito, o día comenza ás 10 da mañá nas beiras do río Sor, no lugar de Ambosores, onde se facerá a primeira das dúas análises e recollida de mostras coas explicacións instructivas do Técnico de ADEGA Paco Banhobre, namentras a segunda facerase a partir das 12 na Ponte Segade.

Este tipo de medicións supoñen a continuidade do compromiso de Nordés co Proxecto Ríos, unha iniciativa de ADEGA que promove a participación voluntaria no control da calidade dos nosos ríos, e que, no caso desta asociación, céntrase nos ríos Sor e Esteiro. Engadir que tamén se van recoller mostras, pero esto xa fora do Proxecto, para analizar as augas do Rego da Veiga, no Vicedo, e do río Esteiro no Barqueiro para saber da súa aptitude para o baño, xa que ámbolos dous desembocan en praias moi frecuentadas (Xiloi e Esteiro).

Para ese mesmo día, pero xa a partir das 6 da tarde, a asociación “O Son do Sor” propón varias actividades relacionadas cos morcegos, estos descoñecidos mamíferos.

11246977_459249387567232_6273787796349622306_n

Primeiro haberá unha charla á devandita hora no local De “O Son do Sor” por conta de Roberto Hermida co título de “Os morcegos de Galicia”, achegándonos ó coñecemento de cales son os que poderemos atopar na seguinte parte da xornada, xa na Ponte Segade de novo, e dende as 8 e media donde se prepararan as trampas e se explicará o funcionamento dos ultrasóns que usan os morcegos para orientarse.

A captura e recoñecemento será a partir das 10 da noite e rematando arredor das 11 e media, polo que se aconsella levar algo de comer.

Decir que tanto a actividade de Nordés coma a de O Son do Sor están abertas a tódolos públicos.

Xa sabedes: O 23 de maio ¡¡achegádevos ó Concello de Mañón!!