Sinopse de Labreg@s do século XXI

12622543_557077594451077_5390653856486918372_o

Os participantes do faladoiro e os asistentes na sala do Concello de Mañón

O venres, 29 de xaneiro, na sala do Concello de Mañón, Henrique Puentes, Quique Fojón e Remedios Soto, moi amable e pacientemente, faláronnos da praga, de recente aparición en Galicia, que ataca aos cultivos de patacas.

Coa sala case que ateigada de xente de tódalas idades, houbo unha clara manifestación de distintas visóns ou interpretacións do mundo. Por un lado, unha máis influída pola ciencia actual por parte dos que daban a charla e, por outro lado, unha cunha visión ancestral (un home de entre o público era quen de saber o tempo da sementeira dependendo do canto dos distintos paxaros). Os asistentes as charlas amosáronse moi interesados e participativos.

Informouse durante o faladoiro das medidas tomadas pola Xunta de Galicia para o control da praga, que mesmo inclúe sancións económicas para calquera persoa que as infrinxa. Deixamos o enlace á Resolución do 16 de outubro de 2015 presente no DOG á 3 de novembro de 2015:

http://www.xunta.es/dog/Publicados/2015/20151103/AnuncioG0426-231015-0002_gl.html

12593482_10208747858361834_7353782117570216111_o

Os participantes do faladoiro e os asistentes na sala do Concello de Mañón

 

Ao día seguinte pola mañá visitamos a explotación agrícola que Quique Fojón ten no lugar do Souto, na parroquia de San Cristovo de Couzadoiro. Alí poidemos comprobar o traballo que, dende hai máis dun ano, leva facendo: instalación de invernadoiros (un deles enorme e outro máis pequecho), a leira para outros cultivos, as froiteiras que levan alí moitos anos e, de se estragar, perderíase esta variedade, o sistema de rego empregado… É de agradecer a minuciosidade e o entusiasmo das súas explicacións.

12615379_557080934450743_2768991559315775744_o

Quique Fojón amosando a parte dos asistentes os seus labradíos, cos invernadoiros ao fondo

12604842_557082167783953_9009828966996013998_o

Caixas cas sementes dos productos

Máis medrou a súa ledicia ao nos descubrir un…. O seu tesouro. Unhas caixas nas que tiña moi ben clasificadas as sementes: leitugas, tomates, pementos, cenoiras, herba dos coengos, feijões,…

Despois de pasar con el dúas horas largas despedímonos con gañas de voltar no tempo no que estas sementes sexan plantas logradas.

Máis fotografías no noso Facebook.

Advertisements

Labreg@s do século XXI

LABREGOS DO SÉCULO XXI DEFINITIVO

Nordés, sabedor do potencial que a comarca alberga no sector primario, cree na explotación sostíbel e na súa repercusión económica e social en forma de proxectos que permitan cortar a perda de poboación. Desta vez, achegámonos ao mundo da agricultura ecolóxica para tratar problemas puntuais (a couza da pataca) e para falar do seu potencial familiar e comercial.

A problemática da couza que afectou ás colleitas de patacas pasadas convertiuse na excusa perfecta para a organización dunha actividade nova. Mañá no Barqueiro -ás 19:30-, Henrique Puentes falará de primeira man sobre as consecuencias da couza na zona e o xeito de combatila dende a perspectiva ecolóxica. Dende o momento no que a praga foi considerada oficial para a Consellería de Medio Rual -en novembro de 2015 nas zonas de Ferrolterra- lévanse impulsado unhas certas medidas fitosanitarias para poder combatila e erradicar a súa posible expansión polo resto do panorama nacional.  

Contaremos tamén con Quique Fojón -agricultor ecolóxico- para falarnos das ventaxas que ten a agricultura ecolóxica tanto para os labregos como para os consumidores, incidindo na súa propia experiencia cos labradíos de Bidueiros – en Couzadoiro. Remedios Soto complementará o faladoiro co apoio que as oficinas agrarias comarcais ofrecen ante estas pragas.

Dende o Consello Regulador da Agricultura Ecolóxica de Galicia (CRAEGA) fálannos da agricultura ecolóxica como “un sistema de producción que busca conseguir alimentos de máxima calidade” tendo en conta dous preceptos básicos: o respecto ao medio ambiente e a conservación da fertilidade do chan. Para conseguir ambos propósitos é imprescindible unha “utilización óptima dos recursos” sen usar “productos químicos”. Todo isto poderemos velo in situ o sábado 30 de xaneiro ás 11:00 nas leiras e hortas que Quique Fojón ten en Couzadoiro, como un exemplo de iniciativas persoais e comerciais beneficiosas para a comarca. Aconséllase levar roupa e calzado cómodo e impermeable para camiñar polos labradíos.

Agardámosvos!

Para máis información, podedes contactar con Ricardo no número de teléfono 653756456.